Sezin hpe KIA zing
KIA Masat (9) Dap Ba ginra, Sagaing hte Jinghpaw mung jarit, Sezin Sam hkyeng dap hpe KIA ni zing madu la lu sai lam chye lu ai.
November shata praw 3 ya shani, Sagaing hte Jinghpaw mung jarit, Sezin mare makau kaw dap jung nga ai gumshem Myen hpyen dap n-pu, Sam hkyeng (SNA) dap hpe KIA pawng hpawm hpyen hpung ni zing madu la lu sai lam, lit nga ai salang ni kaw na chye lu ai.
Laiwa sai April shata 23 ya shani hta mung, Sezin kaw dap jung nga ai gumshem Myen hpyen dap hpe zing madu la lu ai hpang, gasat gala majan matut byin nga ai hta Sezin Sam hkyeng dap hpe bai matut zing la lu ai lam chye lu ai.
Ya aten Sagaing hte Jinghpaw mung jarit ginra ni hta KIA pawng hpawm hpyen hpung ni hte gumshem Myen hpyen dap lapran hpyen masa shaja hkat nga ai rai nna, gasat gala majan mung matut byin wa mai ai lam chye lu ai.
