Sha-it Yang hpyen yen dabang kaw ga shingbut gyi ai majaw dum nta nkau hten za

Sha-it Yang hpyen yen dabang kaw ga shingbut gyi ru wa ai majaw, dum nta nkau hten za mat ai lam chye lu ai.

June shata 17 ya shani hkying 11:30am aten daram hta marang htu kaba sawng ai majaw, Sha-it Yang hpyen yen dabang kaw ga shinbut gyi ru wa ai hta nta lahkawng hten za mat ai lam, lit nga ai salang langai tsun ai.

Ga shingbut gyi ru wa ai majaw nta lahkawng hten za mat ai sha n-ga, laiwa laisa lam ni mung ga gyi pat mat ai majaw, mungshawa ni hkamsa hkawmwa yakhkak nga ai lam chye lu ai.

Ndai zawn ga gyi ru wa ai hta dum nta nkau hten za mat ai majaw, ya aten hpyen yen mungshawa ni nga shara yakhkak hkrum nga ai rai nna, shingbut gyi wa ai hta hpyen yen mungshawa ni hkala nba hkrum hkra ai lam gaw hpa nnga ai hpe matut chye lu ai.