Shadan Pa mare masha ni a lamu ga Eka 400 hpe ေျမ လြတ္ေျမလတ္နွင့္ေျမရုိင္းဥပေဒ hte Myen Asuya kaw shawk shawn la

2011 ning kaw nna Myen Hpyen Dap hte KIA ni numdaw kalang majan bai byin wa ai majaw, Shadan Pa mare masha ni gaw, hpyen koi yen taw nga ai ten hta, Myitkyina, Jan Mai Kawng kaw nga ai ဦးနုိုုုုုုုုုုုုုုင္၀င္း hte marai 8 hpung ni gaw Shadan Pa mare masha ni a galaw lu galaw sha ai lamu ga Eka 400 hpe marai langai mi hta Eka 50 hpra ေျမ   လြတ္ေျမလတ္နွင့္ေျမရုိင္းဥပေဒ hte Myen Asuya hpang de shawk shawn la ai re lam chye lu ai.

“Ndai lamu ga Eka 400 hpe ဦးနုိုုုုုုုုုုုုုုင္၀င္း gaw Da Seng kaw na mare uphkang salang ဦးေအာင္မွဳး hpe manghkang nbyin hkra galaw ya rit manghkang nbyin na re anhte အာမခံ ai, marai 8 a lamu ga Eka 400 hpe madi shadaw laika ka ya rit ngu shagyeng nna sen wa htu la ai madi shadaw laika hte galaw la ai lam re. Lamu ga shawk shawn ai lam hte seng nna Shadan Pa mare masha ni hte ဦးနိုုုုုင္၀င္း gaw kalang mung  hkrum shaga ai lam nnga ai sha, ျပည္နယ္ေျမစာရင္းဦးစီးမွဳး kaw du hkra shawk shawn la ai re” nga nna Shadan Pa mare masha salang langai tsun dan ai.

Laiwa sai April shata praw 8 ya shani hta Shadan Pa mare masha ni gaw, ျပည္နယ္ေျမစာရင္းဦးစီးမွဳး hte sa hkrum nna, Shadan Pa mare masha ni a lamu ga re lam tsun dan ai hta, ျပည္နယ္ေျမစာရင္းဦးစီးမွဳး gaw  ဦးနုိုုုုုုုုုုုုုုင္၀င္း hpe mare masha ni hte jahkrup la na lam tsun ai raitim, ဦးနုိုုုုုုုုုုုုုုင္၀င္း gaw  jahkrup ai lam nnga ai sha, August shata 22 ya shani ေျမဦးစီးမွဳး hte Daw Hpum Yang hkan na Balik ni Shadan Pa mare na lamu ga sumla ni hpe sa gayat ai shaloi Shadan Pa mare masha ni hte hkrum na matu tsun ai shaloi ဦးနိုင္၀င္း gaw Modo na pi n-yu ai sha bai wa mat ai” nga nna salang wa matut tsun ai.

July shata 10 ya shani hta mung ဦးနုိုုုုုုုုုုုုုုင္၀င္း gaw Tara Kasa U Bawm Mai hpe tsun nna Shadan Pa mare masha ni hpe ndai shara gaw nanhte na lamu ga nre ngai Asuya kaw lakmat la da ai lamu ga re, nanhte gaw nye lamu ga kaw က်ဴးေက်ာ္ taw nga ai re nga nna ျပည္ထဲဥပေဒအရ ahkyak la na lam tsun wa ai majaw, Shadan Pa mare masha ni gaw Shanglawt Asuya Laiza Ginwang de laika bang nna, ဦးနုိုုုုုုုုုုုုုုင္၀င္း hpe shaga ai raitim, lung wa ai lam nnga ai re hpe chye lu ai.

Ndai amu hte seng nna Shadan Pa mare masha ni gaw, Laiza Ginwang de shana nhtawm, August shata 25 ya shani hta Myen Asuya maga na ျပည္နယ္ေျမစာရင္းဦးစီးမွဳး hte ၀န္ႀကီးခ်ဳပ္ kaw laika bang da sai re.

Shadan Pa mare gaw hpyen majan byin wa shagu machyi hkrum ai mare re sha n-ga, ya na zawn lamu ga manghkang ni byin wa ai majaw, lahkawng maga na Asuya ni hku nna lit la hparan ya na hpe ra sharawng ai lam mare masha ni tsun nga ma ai re.

Shadan Pa mare masha ni laika bang da ai hte seng nna ျပည္နယ္ေျမစာရင္းဦးစီးမွဳး hte ၀န္ႀကီးခ်ဳပ္ kaw du sai kun? ndu shi ai kun? ngu ai hpe August shata 31 ya shani bai sagawn yu na re lam chye lu ai.

Shadan Pa mare gaw Laiza Ginwang, Na Lung Ninghtawn kata na mare rai nna, ndai lamu ga gaw ေျမ   လြတ္ေျမလတ္နွင့္ေျမရိုင္း nre ai sha, Shadan Pa mare masha ni galaw lu galaw sha ai lamu ga hpe ya na zawn hpyen koi nga ai aten hta Myen Asuya kaw shawk la kau ai re lam chye lu ai.

Photo credit, Nor Ni