Shanglawt hpung shang masha majing ga shaka (Oath) hkamla hpawng galaw
Wunpawng Mungdan Shanglawt Hpung shang masha majing, Party Full Fleded (PF) ga shaka (Oath) hkamla hpawng hpe October shata 18 ya shani hkying 1:00pm aten hta Laiza Muklum kaw galaw la lu sai lam chye lu ai.
Oath hkamla hpawng hta Sara Kaba Htawngga Yaw Sau (Mungchying Uphkang Dap, Pati Komiti Shingtau Tingnyang Up) kaw nna shatsam mungga jaw ai hta “Dai ni ga shaka hkamla sai ni yawng gaw, mungshawa a matu pati a matu akyu rawng ai magam bungli shagu hta htep lahti gun hpai sa wa ra na lam, pati shang masha ni hta nga ra ai myit jasat hte myu sha ni hpe lam woi awn ningbaw lu ai atsam nga ra ai lam, madu majing ni rai saga ai majaw, myu sha magam bungli hta kaga masha hta dawn jan nna hkam sharang ai myit hte galaw gunhpai ra na lam” tsun ai.
Hpung shang masha majing (PF) ni hpe Mungchying Uphkang Dap, Pati Komiti Ningtau Amu Madu, Salang Kaba Nhkum Lum Tu kaw nna, (Oath) jaw ai lam galaw ai rai nna, dai ni hpung shang masha majing (PF) Oath hkamla sai ni yawng marai (97) re ai lam chye lu ai.
Mungchying Magam Dap Pati Komiti kata, shingnan hpung shang masha (PP) hte hpung shang masha majing (PF) yawng marai (1228) du nga sai hte dai ni na hpawng hta Magam Dap, Makan dap hkan na magam gun ni sa du shanglawm ai hte galaw la lu sai lam chye lu ai.
