Shaning ninghpaw chyeju shakawn Wunli la akyu hpyi hpawng galaw

Laiza Muklum Padang Hkrun Lam Majan Masing Woi Awn Rung gawknu kaw January shata 1 ya jahpawt hkying 8:00am aten hta shaning ninghpaw chyeju shakawn wunli la akyu hpyi hpawng galaw ai lam chye lu ai.

Nawku hpung woi sara ni kaw nna 2018 ning hta hkam la lu ai chyeju ni hte 2019 shaning ningnan ting a matu Karai Kasang kaw Wunli la chyeju shakawn akyu hpyi ya ai lam galaw ai.

Wunpawng Mungdan Shanglawt Hpung Ginjaw Komiti Tingnyang Up Du Daju Jum Nban La a 2019 shaning ninghpaw shakram mungga hpe Salang Kaba Doi Pyi Sar ( Ningtau Ninggawn Amu Madu ) kaw nna hti dan ai.

Akyu hpyi hpawng hta Ningbaw Kaba hte Ginjaw Komiti Salang ni, magam dap shagu na lit hkam ni sa du shang lawm ai. Sinpraw Majoi Gawknu hta mung, mungchying shawa ni hte magam dap, makan dap na kanu kawa ni shaning ninghpaw akyu hpyi hpawng galaw ai lam chye lu ai.