Share shagan masat ninghtoi hpawng galaw
Wungpawng Mungdan Shanglawt Hpung Ginjaw Komiti a 2024 ning share shagan masat ninghtoi hpawng lamang hpe August shata 10 ya jahpawt hkying 6:00am aten hta Ginjaw Komiti Rung Gawknu kaw galaw la lu sai re.
Hpawng lamang hta KIO Ginjaw Salang ni hte Ginjaw Komiti rung magam gun ni shanglawm ai hte Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw, Wunpawng Mungdan Shanglawt Hpyen Dap, Dap Up Daju, Du Daju Jum Nban La a rawt malan mungga hpe madat hkamla ai lamang galaw la lu sai re.
Share shagan masat ninghtoi gaw, amyu hte mungdan a matu asak apnawng mat wa sai share shagan ningbaw ningla ni hpe myit dum, shakawn shagrau ai hku nna, Magam Dap, Makan Dap, Dap Ba, Dap Dung, Wunpawng Mungdan ting hte Maigan de du nga ai Wunpawng amyu sha ni yawng, masat ninghtoi hpawng lamang hpe galaw ai re lam chey lu ai.
Laiwa sai shaning ni hta share shagan masat ninghtoi hpawng lamang hpe dap shawa, mungshawa law law hte galaw ai raitim, ya aten hta hpyen masa mung masa lam amyu myu a majaw, kadai mung kade a shara ni hta galaw ai re lam matut chye lu ai.
