Share shagan masat ninghtoi hpawng galaw
Wunpawng Mungdang Shanglawt Hpung, Ginjaw Komiti kawn share shagan masat ninghtoi hpawng lamang hpe August shata 10 ya jahpawt hkying 7:00am aten, Ginjaw Komiti rung kaw galaw la lu sai re.
Hpawng hta Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw Kaba, Wunpawng Mungdan Shanglawt Hpyen Dap, Dap Up Daju, Du Daju Jum Nban La a share shagan masat ninghtoi mungga hpe Salang Kaba Labang Doi Pyi Sa (Ningtau Ninggawn Amu Madu) kaw nna, hti shalai ya ai lam galaw ai re.
Dai ni na hpawng hta Ginjaw Komiti Salang ni, Magam Dap Lithkam ni, nawku hpung woi sara ni hte Ginjaw Komiti rung magam gun ni shanglawm rai, galaw la lu sai rai nna, share shagan masat ninghtoi hpe hpyen masa mungmasa sat lawat hta hkan nna, kadai mung kade a Magam Dap, Makan Dap, Dap Ba, Dap Dung, hpyen yen dabang ni hta galaw ai re lam chye lu ai.
Share shagan masat ninghtoi hpawng lamang hpe laiwa sai aten ni hta mungshawa dap shawa law law hte galaw ai raitim, ya aten na hpyen masa mungmasa lam amyu myu a majaw, mungshawa dap shawa law law hte nlu galaw ai re lam chye lu ai.
