Shwe Nyawng Pin lawk kaw na Ma kasha langai hpe nhkyi madi nna shinggan de shagyeng woi mat

Myitkyina, Shwe Nyawng Pin lawk nta htihkum (297) kaw na U Ye Yint Aung a kasha Mg. Zar Ni Aung asak (7) ning hpe nta shap rawng ai shada rai nga ai gawk makau na U Aung Htun Naing asak (28) ning gaw December shata 16 ya shani Ma kasha hpe nhkyi hte madi nna shinggan de shagyeng woi mat wa ai lam na chye lu ai.

U Aung Htun Naing gaw nta kaw shang lagu nga ai shaloi shi hpe mu mat ai majaw, Ma kasha hpe nhkyi hte madi woi mat wa ai hpang kade nna yang, lawk salang ni hte Balik ni kaw nna shiga jaw hkat nhtawm hkan tam sagawn ai shaloi, Shwe Nyawng Pin hte Mai Sak Wang makau kaw hkying 11:00am aten hta bai lu rim la ai, dai Ma gaw hpa nbyin ai lam, Salang Maran Bawk Naw tsun dan ai.

Myen Mungdan kata hta gaw, mung masha ni a matu shim lum lam nau nnga ai majaw, mungshawa ni mahtang grai sadi maja nna nga ra na re nga nna, salang wa matut tsun dan ai kaw na chye lu ai.

Photo Credit; Fb