Shwi Gu gumshem Myen hpyen dap hpe KIA ni htim gasat nga

KIA Masat 8 Dap Ba, Masat (5) Dap Dung ginra, Mungnyang Ginwang, Shwi Gu kaw dap jung nga ai, gumshem Myen hpyen dap hpe KIA ni htim gasat nga ai lam chye lu ai.

Shwi Gu kaw dap jung nga ai, gumshem Myen hpyen dap Hk.L.Y (141) dap hpe KIA pawng hpawm hpyen hpung ni February shata 10 ya jahpawt hkying 7:00am aten daram kaw na htim gasat nga ai lam, lit nga ai salang ni kaw na chye lu ai.

KIA ni htim gasat nga ai ten gumshem Myen hpyen dap nbungli hte wa gap bun ai lam nga ai rai nna, lahkawng maga na hpyen masa gara hku naw rai nga ai hpe matut sagawn nga ding yang re.

Shwi Gu mare hpe lai wa sai 2002 ning kaw na Muklum shabyin nna, shamying lang wa ai hta ya aten Muklum kata nga ai mungshawa yawng mun mi jan nga ai lam chye lu ai.