Sin Bu gumshem Myen hpyen dap hpe KIA matut htim gasat nga
KIA Masat 8 Dap Ba, Masat (5) Dap Dung ginra, Mungnyang Ginwang, Sin Bu gumshem Myen hpyen dap hpe KIA ni matut htim gasat nga ai lam chye lu ai.
February shata 24 ya jahpawt hkying 7:00am aten daram kaw na, Sin Bu kaw dap jung nga ai, gumshem Myen hpyen Hk.L.Y (141) dap hpe KIA pawng hpawm hpyen hpung ni matut htim gasat nga ai lam, sawnglam lit nga ai salang ni kaw na chye lu ai.
Sin Bu gumshem Myen hpyen dap hpe lai wa sai February shata 10 ya shani kawn, KIA pawng hpawm hpyen hpung ni numdaw hte numdaw htim gasat nga ai hta dai ni February shata 24 ya shani kalang bai htim gasat nga ai lam chye lu ai.
KIA pawng hpawm hpyen hpung ni htim gasat nga ai hta gumshem Myen hpyen dap nbungli bawm, laknak kaba ni hte gap bun ai lam nga ai rai nna, Sin Bu muklum kata mungshawa mun mi jan nga ai lam chye lu ai.
