Sinpraw Ginwang Ginjaw Tingnyang Up hpung ni hte KIO pati shang salang ni hkrum shaga ai lam galaw
Wunpawng Mungdan Shanglawt Asuya, Sinpraw Ginwang Ginjaw Tingnyang Up hte Sinpraw Ginwang Ginjaw Matsun Du, Mammaw Ginwang Uphkang Du, Manje Ginwang Daw Uphkang Du hte Masat (3) Dap Ba, shawnglam hpyen man up Du Kaba ni, June shata praw 4 ya jahpawt hkying 9:00am aten daram kaw nna, hkying 10:30am aten du hkra, KIO pati hpung shang salang ni hte Jan Mai mare kaw hkrum shaga lam chye lu ai.
Salang ni sa hkrum shaga ai lam hte seng nna, hpawng hta shang lawm ai salang langai ndai zawn tsun ai.
Sinpraw Ginwan Ginjaw Tingnyang Up tsun ai gaw, “ Mungshawa ni hte hkrumzup mayu ai lam, Gawgap masing rai nga ai Nba Pa kaw na Jan Mai mare du hkra nlung nyep galaw nga ai, Hka Hkan lam, Man Win de yu wa ai lam hte Laiza Mai Ja Yang lam hpe gaw concrate nyep na matu hte ra ai lam magup hpe tsun sanglang dan ai ” lam salang wa tsun dan ai.
Matut nna, shawng lam hpyen man up Du Kaba kaw nna mung, hpyen majan byin wa yang gara hku kaning rai koi yen ra ai lam hpe tsun dan ai hpang, du sa ai kanu kawa ni mung, ga san ni san nhtawm, shat da mi jawm sha nna hpawng hpe galaw la lu ai lam chye lu ai.
June shata praw 3 ya shani hta mung, Dansa Pa kaw Sam Htunghking Hpung kanu kawa ni hte mung, hkrum shaga bawngban la lu sai re hpe mung chye lu ai.
၎
င
၎
၎
