Staff Nurse wunkat jawng yu hpawng galaw
Wunpawng Mungdan Shanglawt Asuya Mungdan Hkamja Dap kaw nna hpaw sharin ai 2 lang ngu na Staff Nurse wunkat yu hpawng hpe June shata 27 ya shani Laiza Muklum Ginjaw Hkamja Dap, Wun Jat Gawknu kaw galaw ai lam chye lu ai.
“Staff nurse masat ai lam gaw anhte a tsi rung tsi jaw gawk hta woi awn ai ni grau nna nden marai nga u ga matu, grau nna madang tsaw ai hku nna tsi rung tsi jaw gawk ni hpe woi awn lu u ga matu yaw shada ai lam re” nga nna Ginjaw Hkamja Dap Amu Madu Du Kaba Kadang Manau Tu Awng tsun dan ai.
Wunkat yu sai Saranum ni hpe shagrau ai masat masa hku nna tsi gup chyawp chyawp ya ai Certificate lekmat pa hte sinda kaw amaw nsam dazik shakap ya ai lam hpe galaw ai.
Lahkawng lang na staff nurse wunkat hpe June shata 10 ya shani kawn sharin ai rai nna Wunpawng Mungdan shara shagu kaw tsi magam gunhpai nga ai Saranum marai 26 sa du sharin hkamla ai lam chye lu ai.
