Sumpyi Yang lahta kaw gumshem Myen hpyen ni hte KIA ni gasat gala majan byin
KIA Masat (1) Dap Ba, Masat (7) Dap Dung ginra, Sumpyi Yang lahta I Hka hku kaw March shata praw 1 ya jahpawt hkying 9:00am aten daram hta gumshem Myen hpyen ni hte KIA, PDF pawng hpawm hpyen hpung ni gasat gala majan byin ai lam chye lu ai.
Gumshem Myen hpyen hpung ni gaw, Shingkap Bum maga de hpyen n gun jat lung wa ai hpe KIA, PDF pawng hpawm hpyen hpung ni hkap gap gasat ai kawn gasat poi byin ai re lam chye lu ai.
Shana maga hkying 2:30pm aten daram hta Gumshem Myen hpyen ni Jet Fighter nbungli lahkawng hte gasat poi byin ai shara de bawm wa jahkrat bun ai lam chye lu ai.
February shata 27 ya shani hta mung, KIA Masat (7) Dap Dung ginra, Ntsi Yang mare makau kaw gumshem Myen hpyen hpung ni hpe KIA, PDF pawng hpawm hpyen hpung ni hkap gap gasat ai kawn gasat poi byin ai lam chye lu ai.
