Sut Ngai Buga Hkalup Hpung, Buga Hpung de (25) ning hpring Gumhpraw Jubilee Chyeju shakawn hpawng galaw

Sama Ginwang, Sut Ngai Buga Hkalup Hpung, buga hpung de (25) ning hpring Gumhpraw Jubilee chyeju shakawn hpawng hpe April shata 27 ya shani kaw na galaw ai lam chye lu ai.

Chyeju shakawn hpawng hpe April shata 27 ya shani kaw nna, 28 ya shani du hkra, lahkawng ya Sut Ngai buga hkalup hpung nawku jawng wang, Ban Dawng Gaw sharawt mare kaw galaw ai.

April shata 27 ya shani hkalup hkam lamang, hkapang hpaw lamang hte 28 ya shani mara raw akyu hpyi hpawng, (25) ning hpring Gumhpraw Jubilee chyeju shakawn hpawng ni hpe galaw la lu sai lam chye lu ai.

Sut Ngai Buga hpung hpe lai wa sai 1998 ning hta sasana shang hpang wa ai rai nna, 2023 ning hta sasana shang ai (25) ning hpring sai lam chye lu ai.