Tang Hpre ginra Myen hpyen dap ni hpyen n-gun htu shadut shamu shamawt nga ai shata mi jan wa

Myitkyina Tang Hpre ginra hta gumshem Myen hpyen dap ni hpyen n-gun htu shadut shamu shamawt dap jung nga ai shata mi jan wa sai lam chye lu ai.

Gumshem Myen hpyen dap ni Tang Hpre mare na KBC nawku jawng hte RCM nawku jawng wang shara ni hta hpyen n-gun htu shadut dap jung shara jahkrat hpyen shamu shamawt nga ai shata mi jan wa sai lam, ginra masha ni kaw na chye lu ai.

Gumshem Myen hpyen dap ni gaw hpyen n-gun tsa lam htu shadut nga ai rai nna, laiwa laisa mungshawa ni hte modo kaji kaba yawng hpe san jep ai lam ding yang galaw nga ai hpe chye lu ai.

Ndai zawn gumshem Myen hpyen dap ni hpyen n-gun htu shadut, shamu shamawt nga ai hta gasat gala majan byin wa na hpe tsang ai majaw, dai ginra na mungshawa ni tinang shimlum dum ai shara de hpyen koi yen nga ai lam chye lu ai.

Manmaw ginra hta mung KIA pawng hpawm hpyen hpung ni hte gumshem Myen hpyen dap ni hpyen masa shaja hkrat nga ding yang re ai hta gumshem Myen hpyen dap ni nbungli drone ni hte gap gasat nga ding yang re ai hpe chye lu ai.