TNLA ginra hta simsa lam a matu shawa n-gun madun hpawng galaw

TNLA Ta-ang Balawng uphkang ginra na mungshawa marai ( 1500 ) daram gaw March praw, 6 ya shani kaw nna, March 11 ya shani du hkra, Nam San hte Man Loi mare ni hta simsa

lam a matu, shawa n-gun madun hpawng galaw ai lam na chye lu ai.

Shawa n-gun madun ai mungshawa ni tsun ai hta, hpyen majan hpe nra sharawng ai, simsa lam hpe sha ra sharawng ai lam, TNLA uphkang ginra de Myen hpyen dap ni htu lung wa wa re ai majaw, TNLA ni shingla gasat ai hta majan gaw grau sawng wa ai, majan a majaw mungshawa ni tsin yam hkrum ai hpe nra sharawng nna, n-gun madun hpawng galaw ai re lam buga masha ni tsun ai kawn chye lu ai.