TNLA ginra kaw amyu shayi ni hpe wunkat jaw ai Jawng hpe Myen hpyen hpung ni wan nat jahten kau ya

June 23 ya jahpawt hkying 9:50am aten hta Myen hpyen hpung ni kawn TNLA Dap Ba ( 2 ) ginra kaw hpaw tawn da ai အမ်ဳိးသမီး စြမ္းရည္ျမင့္တင္ေရး သင္တန္း ႏွင့္ အေျခခံ က်န္းမာေရး သင္တန္း jaw ai jawng hpe wan nat jahten kau ya ai lam chye lu ai.

Dai jawng ni gaw TNLA kaw nna, Ta-ang ginra kaw nga ai amyu shayi ni hpe Computer Training, Ta-ang laika, shinggyim ahkaw ahkang hte hkamja lam ni hpe sharin ya ai rai nna, amyu shayi marai ( 100 ) jan gaw, Ta-ang ginra hta mungshawa ni hpe hkamja lam hte seng nna sa gawn lajang nga sai re.

Yinam ta re majaw hkawmwa hkawmsa hkrun lam yak hkak ai majaw wunkat hpe gan jahkring nna, hpang kalang pang mi bai hpaw na matu hkyen shajin nga ai aten Myen hpyen hpung ni wan nat jahten kau ya ai re lam chye lu ai.

Myen hpyen dap kawn Balawng ( Ta-ang ) hpyen hpung ni nga ai ginra de hpyen n-gun kaba hte htim gasat wa ai majaw, wunkat jaw ya ai sara/num ni yawng shimlum ai shara de hprawng yen nga ai lam, TNLA shiga lawk kawn chye lu ai.