TNLA hpyen hpung ni Myen hpyen dapnu ( 33 ) hpe sa htim gasat

Mungmyit Sinli Ga, Kachin Sub-State, TNLA Dap Ba ( 1 ) ginra, Kutkai Ginwang Mung Yu mare kaw dap jung tawn ai Dapnu ( 33 ) hpe March praw, 4 ya jahpawt hkying 3:30am

aten hta TNLA hpyen hpung ni sa htim gasat ai lam chye lu ai.

Mung Yu mare kaw nga ai Myen Hpyen Dapnu ( 33 ) na hpye hpung ni gaw Panse Pyi Tu Tsit a npu na hpyen hpung hte pawng nhtawm Mung Yu mare kaw dap jahkrat nna, nanghpam hpan hkum hpe dut shabra ai lam, laisa laiwa mungmasha ni hpe san jep adup zing ri ai lam, dai ginra na mungshawa ni a malu masha n-gu, sau ni hpe rim zing la kau ya ai alang law law rai sai hpe mung chye lu ai.

Lang hte lang roisha hkrum ai hta Ta-ang Amyu sha ni grai machyi hkrum lai wa sai re. Grau sawng ai gaw hpyen dap kata hta nanghpam hpe dut shabra lam galaw nga ai majaw, dai ginra na mungmasha ni kani lu sha masha grau law wa ai, hpyen yen mungmasha ni mung nanghpam a mayam tai ma sai, Ta-ang Amyu sha ni hten za ma wa ai majaw, TNLA hpyen hpung ni dai Myen hpyen dap hpe sa htim gasat kau ai re lam TNLA shiga lawk kawn chye lu ai.

Hpyen dap kata kaw sinat lau 8, pala hpanhkum hte hpyen arung arai nkau hpe padang dip la lu ai lam mung chye lu ai.