TNLA hte Myen Hpyen Dap, Dapnu ( 77, 88 ) pawng hpawm hpyen hpung ni gasat gala majan byin

Mungmyit Sinli Ga ( Kachin Sub-state ) KIA Dap Ba ( 4 ) Dap Dung ( 8 ) ginra hta shamu shamawt nga ai Myen Hpyen Dapnu ( 77, 88 ) kata na pawng hpawm hpyen hpung hte TNLA hpyen hpung ni, November 6 ya jahpawt hkying 8:00am kawn hkying 9:00am aten laman hta gasat gala majan byin ai lam chye lu ai.

TNLA hpyen hpung ni shara la nga ai Loi Wing Hkam Bum maga de Myen hpyen hpung ni htu lung wa ai majaw, Mansa Awn mare lup wa dingsa kaw gap hkat ai re lam, shawng lam shi sawk salang langai tsun dan ai kawn chye lu ai.