TNLA hte Myen Hpyen Dap ni gasat gala majan byin

Balawng (Ta-ang) TNLA Dap Ba 2 ginra, Namsan Ninghtawn Pan Saping hte Kaya lam lapran kaw December shata 13 ya jahpawt hkying 6:15am aten hta TNLA hpyen hpung hte Myen hpyen hpung ni gasat gala majan byin ai lam na chye lu ai.

Myen hpyen hpung ni gaw TNLA hpyen hpung ni nga ai shara de shamu shamawt htu lung wa ai majaw, gasat poi byin ai re lam TNLA shiga lawk hta tsun da ai.

December shata praw 10 ya jahpawt hkying 7:00am aten hta mung Mungmyit Sinli Ga (Kachin Sub-state) KIA Dap Ba 4, Dap Dung 8 ginra, Nam Hpang hte Mak Man kadawng kaw TNLA hpyen hpung hte Myen hpyen hpung ni gap hkat ai re lam, shawng lam shi sawk ni kawn chye lu ai.

Ya aten hta KIA Dap Ba 3, Dap Dung 27 ginra ni hta Myen Hpyen Dap ni hpyen n gun law law hte bai shamu shamawt nga ai lam, ginra shi sawk ni kawn chye lu ai.

Photo; Facebook