TNLA hte Myen hpyen dap ni gasat gala majan byin

Mandalay division, Mogok Myo makau kaw TNLA hpyen hpung hte Myen Hpyen Dap, Hk.L.Y 44, 48 dap na hpyen hpung ni, November shata 24 ya shana hkying 7:40pm aten hta gasat gala majan byin ai lam na chye lu ai.

TNLA hpyen hpung ni gaw, Chyau Wa mare kawn yu wa ai aten hta ang katut gasat gala majan byin ai re lam, TNLA shiga lawk tsun da ai.

Sinat nsen ngoi wa ai majaw, Mogok ginra masha ni hkrit kajawng ai sha n-ga Chyau Wa maga de na ginra masha nkau mung hprawng yet mat ai lam na chye lu ai.