TNLA hte Myen hpyen dap ni gasat gala majan matut byin
Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 9 ) ginra, Namhpakka Ginwang, Nam Sum Myen hpyen dap hpe TNLA hpyen hpung ni sa htim gap na matu sa wa ai ten Myen hpyen hpung ni TNLA ni hpe shawng mu kau ai majaw, September praw 3 ya shani laja lana gasat gala majan byin ai lam na chye lu ai.
Gasat gala majan byin ai hta TNLA maga na marai 5 asak nawng mat nna, marai 15 gaw hkala hkrum nhtawm, marai 8 mat taw ai, Myen hpyen hpung maga na marai kade si hkala ai hpe tuphkrak nchye lu shi ai lam, shawnglam shisawk ni kawn chye lu ai.
September praw 3 ya shani hta sha KIA Dap Ba ( 10 ) Dap Dung ( 17 ) ginra, Gangming Loidau Ginwang, Mingjet hte Pyinghkan mare kaw TNLA hpyen hpung hte Myen hpyen hpung ni gasat gala matut byin ai re lam chye lu ai.
