TNLA hte Myen Hpyen Dapnu 99 ni gasat gala majan byin
Mungmyit Sinli Ga ( Kachin Sub-state ) KIA Dap Ba 10 Dap Dung ginra hta shamu shamawt du nga ai Myen Hpyen Dapnu 99 kata na hpyen n gun 80 daram hte TNLA hpyen hpung ni April shata 10 ya jahpawt 9:45am aten hta Tamunye hte Manje lapran na Makawk Pa kaw gasat gala majan byin ai lam, shawng lam shi sawk ni kawn chye lu ai.
April praw 5 ya shani hta hta mung, Myen hpyen Dapnu 99 kata na hpyen hpung ni hte KIA Dap Ba 6 Dap Dung 9 Kung 1 hpyen hpung ni Man Hawng mare hte Hu Hpyet lapran kaw gap hkat ai re.
Ya aten hta Myen hpyen Dapnu 99 kata na hpyen hpung nkau mi gaw KIA Dap Dung 9 ginra, Nawng Ing mayan hkan naw nga nga ai lam chye lu ai.
