TNLA hte Myen hpyen hpung ni laja lana gasat gala majan byin
Mungmyit Sinli Ga, Kachin Sub-State, KIA Dap Ba ( 4 ) ginra, Namhpaka, Nam Gut, Nam Hpalun hte Kuthkai Shu Kyit Tar shara ni hta TNLA Dap Dung ( 101 ), ( 223 ), ( 595 ) na
hpyen hpung hte Hk.L.Y ( 123 ) Dap na myen hpyen hpung ni March 14 ya jahpawt, laja lana gasat gala majan byin ai lam na chye lu ai.
Gasat majan byin ai shara hte mare grup gra de Kuthkai kaw dung ai Myen hpyen amyawk dap ni kawn laknak kaba hte gap bun ai majaw, Nam Hkung mare kaw wa hkrat kapaw nna, hpawmi Yama Sa Aung asak ( 42 ) ning hte Luiye Lut asak ( 5 ) ning re yan si mat ai lam, Nga wulawng na dumsu ( 10 ) mung si sum mat ai lam buga masha ni tsun ai kawn chye lu ai.
Myen hpyen ni gap dat ai sinat kaba si Namhpaka mare na Sarama Balaw Nang Bawk a dum nta kaw mung wa hkrat kapaw ai raitim, nta loili sha htenza mat ai, masha hkra hkala ai lam gaw nnga ai lam buga masha ni tsun ai kawn chye lu ai.
