TNLA, MNDAA hpyen hpung ni hte Myen hpyen dap ni gasat gala majan byin

Mungmyit Sinli Ga ( Kachin Sub-state ) KIA Dap Ba 6 ginra hte Dap Ba 10 ginra ni hta TNLA, MNDAA hpyen hpung ni hte Myen Hpyen Dap ni gasat gala majan byin ai lam chye lu ai.

Dai ni August shata praw 5 ya shani hta KIA Dap Ba 6 KIA Dap Dung 9 ginra, Mawhan mare lahta kaw TNLA hpyen hpung hte Myen Hpyen Dapnu 99 kata na hpyen hpung ni gasat gala majan byin ai lam, buga masha ni kawn chye lu ai.

KIA Dap Ba 10 Dap Dung 2 ginra, Pyin Lung mare maga na modo kaba 1 hte lung wa ai Myen Hpyen Dap Ts.K.Hk 10 kata na hpyen hpung ni hpe Kokang MNDAA hpyen hpung ni August shata praw 4 ya laban shana hkying 10:00pm aten daram hta Shai Je Pa mare kaw hkap gap ai lam nga ai.

Myen hpyen hpung ni gaw hpang lam de bai nhtang yu wa ai hpe Hka Lum nga ai shara kaw TNLA hpyen hpung ni numdaw 2 lang ngu na bai hkap gap ai kawn gasat gala majan byin ai lam, shawnglam shi sawk ni kawn chye lu ai.