TNLA, MNDAA pawng hpawm hpyen hpung ni hte Myen Hpyen Dap ni gasat gala majan matut byin
Mungmyit Sinli Ga ( Kachin Sub-state ) KIA Dap Ba 10 Dap Dung 9 ginra, Nam Hpalun bum, Shu Hkin Ta ( ရွုုခင္းသာ ) kaw August shata 23 ya jahpawt hkying 8 jan aten hta TNLA, MNDAA pawng hpawm hpyen hpung ni hte Myen Hpyen Dap ni laja lana gasat gala majan byin ai lam chye lu ai.
Dai ni gaw Myen hpyen ni Tank hte mung gap ma ai. Shanhte gaw lahta daw Namhpaka hte Muse maga de lung wa ai hpe TNLA hte MNDAA ni hkap shingla ai rai nga ai, nga nna shawng lam na Salang langai tsun ai.
August shata 22 ya shani hta mung, Nam Gut hte Hu Nawng mayan kaw gap hkat ai hta Myen Hpyen Dap ni helicopter nbungli 2 hte wa htim gap ai lam, shawng lam shi sawk ni kawn chye lu ai.
