Tsaban ( 21 ) panglung zuphpawng hta bawngban na lawng lam ni hpe bawngban

Numdaw lahkawng lang ngu na tsa ban ( 21 ) panglung zuphpawng hta bawngban na lawng lam ni hpe UPDJC hpung ni May praw 7 ya shani kawn bawngban sa wa sai lam chye lu ai.

Dai zuphpawng hpe ( 3 ) ya tup galaw na rai nna, Myen mung hta galaw nga ai amyu sha ni a mungmasa bawngban hpawng kawn lu la ai lawnglam ni hpe mahta nna bawngban

sa wa ai re lam, UPDJC a amu madu slg. U La Maung Shwe BBC shiga dap hpe tsun ai.

Mungdaw ni hta galaw la lu sai amyu sha madang bawngban hpawng hta mungmasa, sut masa, lamu ga hte nhprang sut rai lam ni hpe federal masa hte maren gara hku hparan sa wa na ngu ai hpe bawng ban mat wa na rai nna, ndai bawngban hpawng kawn lu la ai lawnglam ni hpe UPDJC  a ningbaw rai nga ai Myen mung a hpaji jaw slg. Hpawmi Aung San Suu Kyi lawm ai amu madu hpung de tang madun mat wa na re lam, dai kawn myit hkrum ai lawnglam ni hpe May 24 ya hta galaw hpang na tsaban 21 panglung hta bawngban mat wa na re lam na chye lu ai.