Tsaban 21 Panglung Zuphpawng rai n galaw shi yang Laknak lang hpung ni a Chyawm Tari Ningbaw Zuphpawng shawng galaw na hkyen
Asuya simsa lam Datkasa hpung hte UNFC hpung ni Thai Mungdan Chingmai mare kaw June, 3 ya shani hkrum zup bawngban hpawng galaw ngut ai hpang, Tsaban 21 Panglung zuphpawng garai n galaw shi yang NCA lekmat htu ngut sai laknak lang wuhpung ni hte NCA lekmat garai n htu ai
Asuya simsa lam Datkasa hpung hte UNFC hpung ni Thai Mungdan Chingmai mare kaw June, 3 ya shani hkrum zup bawngban hpawng galaw ngut ai hpang, Tsaban 21 Panglung zuphpawng garai n galaw shi yang NCA lekmat htu ngut sai laknak lang wuhpung ni hte NCA lekmat garai n htu ai laknak lang wuhpung yawng a chyawm tari ningbaw ni shawng hkrum nhtawm myit hkrum lam langai ( ဘုံသေဘာတူညီခ်က္ ) lu la hkra jawm jahkrup la na re lam UNFC Amu madu ( 1 ) ဦးထြန္းေဇာ္ media ni hpe June, 6 ya shani tsun ai lam chye lu ai.
Mung masa bawngban ai hpawng hta Mungchying laknak lang hpung ni maga hku nna nsen langai, manaw langai sha byin hkra galaw na matu re. Zuphpawng galaw na shara hte nhtoi hpe yawng sa du lu ai shara rai lu hkra bai jahkrup la na re nga nna mung tsun ai. Daw Aung San Su Kyi myit nchyan woi shaw ai Tsaban 21 Panglung zuphpawng hta Mungchying laknak lang hpung ni yawng shanglawm na matu hte shata ( 2 ) laman galaw na re lam chye lu ai.
