Tsang 9 jawngma langai nhtu hte gahtam sat hkrum

Manmaw Muklum Robert sasana jawng wang kaw hpyen yen machyu nga salang Lahpai Zau Nyeng shing nrai Hpaga Du Gun hte Htang Je Hkawng Tse yan a kasha shadang Lahpai Zau Ding tsang 9 jawngma hpe, September 8 ya shana hkying 8:00am aten daram hta nhtu hte kahtam sat hkrum ai lam na chye lu ai.

Shadang Lahpai Zau Ding gaw shana laika sharin sa na matu, nta kawn lagaw lam hte pru wa ai shaloi shi a manang marai 6 cycle hte htaw mat wa ai, dai hpang kahtam sat hkrum ai hte shi manang ni gaw hprawng mat ai. Kadai sat ai re hpe hkrak gaw nchye shi ai, shi manang marai 6 hpe Balik ni rim tawn da nna san jep nga sai lam, Robert IDP camp  sara Ndau Tang Gun tsun dan ai.

Moi mang hpe gaw September 9 ya dai ni makoi mayang kau sai lam chye lu ai.