Tsi Saranum Kaba Jan. Galau Sau Lwi Madu Yesu hta yup pyaw mat wa
Wunpawng Mungdan Shanglawt Kongsi Ningbaw Malai, Lat Du Daju Jum Sumlut Gun Maw a tsawra Chyinghkai Kanu Tsi Saranum Kaba Jan. Galau Sau Lwi asak 84 ning gaw, August shata 12 bat hpang 1 ya shana hkying 11:00pm aten, Myitkyina Muklum Shatapru dum nta kaw Madu Yesu hta yup pyaw mat wa sai lam na chye lu ai.
Makoi mayang akyu hpyi hpawng hpe August 15 bat hpang 4 ya jahpawt hkying 9:00am aten hta Shatapru dum nta kaw galaw nhtawm, hkum tsawp moi mang hpe gaw, Wunpawng Hkristan Lup Ding Lup Wa Nawng Nang de makoi mayang na re lam chye lu ai.
Saranum Kaba Galau Sau Lwi gaw Myen Mung Asuya a tsi saranum magam lit hpe gunhpai lai wa sai rai nga ai.
Kasha kaba rai nga ai Du Kaba Sumlut Gun Maw hku nna mung Chyinghkai Kanu hpe nja nhpra let, shi lang ai Facebook hta “Nu Chyinghkai Nu sumtsan kaw na nsen nna lu na raitim, Nu ngu shaga dat ai yaw” nga nna ka mara da ai.
