Twing Nge Myen dap hpe KIA ni zing madu

KIA Masat (11) Dap Ba, Masat (12) Dap Dung ginra, Mandalay jarit, Twing Nge gumshem Myen Balik dap hpe KIA ni zing madu la lu sai lam chye lu ai.

July shata 25 ya jahpawt hkying 5:00am aten kaw na htim gasat ai hta shani ka-ang hkying 11:00am aten daram hta Twing Nge gumshem Myen Balik dap hpe KIA pawng hpawm hpyen hpung ni zing madu la lu sai lam, lit nga ai salang ni kaw na chye lu ai.

Twing Nge gumshem Myen Balik dap hpe KIA, KPDF hte ABSDF pawng hpawm hpyen hpung ni hku nna, htim gasat padang dip la lu ai re hpe chye lu ai.

Matut nna Nmawk kaw dap jung nga ai, gumshem Myen hpyen Hk.M.Y (437) dap hpe mung, KIA hpyen hpung ni htim gasat nga ding yang re ai hta gumshem Myen hpyen dap kawn, nbungli hte gap gasat nga ai re hpe chye lu ai.