Udang hkyeng wuhpung ni kaw nna manu jahpu nla ai sha aten hpring hkye mawoi bungli galaw nga
Jinghpaw Mungdaw Udang hkyeng wuhpung ni kaw nna Myitkyina Muklum kata shing nrai Muklum shinggan ni hta lam ntsa kaw hkala nba machyi hkrum nna, garum kahtau hkyak hkyak ra kadawn nga ai ni hte matsan mayan rai machyi makaw hkrum nna, machyi masha htaw modo ra kadawn nga ai ni a matu aten hpring htaw sa htaw wa yu gawn la jang ai lam hpe manu jahpu nla ai sha February shata 21 ya shani kaw nna galaw ya nga sai lam na chye lu ai.
Machyi masha htaw wa htaw sa yu gawn lajang ai magam bungli hpe madung dat galaw ai re, Udang hkyeng wuhpung ni kaw nna hkyak hkyak ra kadawn nga ai ni hpe lawan ladan garum ya lu na matu hte machyi masha ni hpe tang du hkra yu gawn lajang ya lu na matu yaw shada ai re lam, Jinghpaw Mung Udang hkyeng wunpung ni tsun ai kaw na chye lu ai.
Machyi masha htaw Modo hte seng nna garum gahtau ra kadawn ai ni gaw Jinghpaw Mungdaw udang hkyeng wuhpung ni kaw matut mahkai wa mai ai rai nna, matut mahkai mai ai phone hkringdat ni gaw 09 262 662 449, 09 799 612 790 hte 09 774 809 003 ni re hte machyi masha htaw sa ai lam hpe amyusha rusai, makam masham n ging hka ai sha hkying hkum 24 garum jaw nga sai lam chye lu ai.
