UNFC a hkum ra zuphpawng hpe March shata hta galaw na hkyen

UNFC a hkum ra zuphpawng hpe March 20 jan ya de galaw sa wa na matu hkyen nga ai lam na chye lu ai.

Dai hkum ra zuphpawng hta UNFC ningbaw daw hpe galai lata na lam na lu ai. Ndai hkum ra zuphpawng hpe laiwa sai December shata hta galaw na matu hkyen shajin ai raitim, 

Jinghpaw mung hte Sammung hta majan grau htat wa ai majaw, zuphpawng hpe htawt sit da ai lam chye lu ai.

Ya aten hta UNFC a ningbaw magam lit hpe KIO ningbaw malai I Du Kaba Nban La, ningtau ningbaw lit hpe NMSP salang Nai Han Tar, amu madu lit hpe KNPP na salang Hku U Ye, ginrun amu madu I lit hpe salang Htun Zaw, ginrun amu madu II lit hpe salang Tar Pan La ni lit la nga ai lam chye lu ai.