Uru Hka kaba wa ai majaw Mungshawa ni yak hkak jam jau nga

KIA Dap Ba ( 9 ) Dap Dung ( 6 ) ginra, Hpakant Muklum kaw July praw, 1 ya shani ka-ang kawn marang laja lana htu wa nna July praw, 2 ya shani kawn Uru Hka kaba wa ai majaw Mungshawa ni hka hpyen tsin yam hkrum sha nga ai lam na chye lu ai.

Hka hpyen hkrum sha nga ai Lawk ni gaw Hpakant Myo Ma Lawk kaw na Nta ( 84 ) htinggaw ( 124 ) masha marai ( 534 ), Hpakant Aye Mya Tar Yar Lawk kaw Nta ( 48 ) htinggaw ( 51 ) masha marai ( 321 ), Hpakant Nga Pyaw Taw Lawk kaw Nta ( 40 ) htinggaw ( 250 ) masha marai ( 750 ) hte Lawng Hkang Mare Lawk ( 1 ) kaw nna Lawk ( 5 ) du hkra Nta ( 116 ), htinggaw ( 615 ) masha marai ( 4925 ) daram jam jau hkrum nga ai lam na chye lu ai.

Lai wa sai June, 22 ya shani hta mung Hpakant kaw marang kaba htu ai majaw Bum hka ni lwi yu wa ai majaw Ga gyi nna Mungshawa marai ( 14 ) si sum mat ai lam hte Nta nkau mi hten za mat ai lam ni hpe mung na chye lu ai.