Uru Hka kaw yawng lawm mat ai Salang Lashi Awng Nan a moimang hpe mu tam sai

Hkali dagup nna Uru Hka kaw yawng lawm mat ai Sanghka mare kaw na Salang Lashi Awng Nan a moimang hpe Sanghka mare nnan Uru Hka kaw moimang waw wa ai hta, October shata praw 4 ya shani hkying 12:30pm aten bai mu tam la ai lam na chye lu ai.

Salang Lashi Awng Nan gaw htingbu manang 2 hte Myit Hkrum mare asuya lawu tsang jawng shingdu Uru Hka awra hkan de nga dawn na matu Hkali kasha hte rap wa ai ten October shata praw 2 ya jahpawt hkying 9:30am aten hta Hkali dagup nna, manang 2 lawt pru wa ai raitim, Salang Lashi Awng Nan gaw yawng lawm mat ai re hpe chye lu ai.

Salang Lashi Awng Nan asak (32) ning gaw Uru Ginwang Ginjaw, Hpakant Ginwang, Lama Bum Ginwang Daw, Lawnghkang Ninghtawn, Sang Hka mare kaw na rai nna, Zupra Buga Hpung a ja gumhpraw kunhting magam gun lit hpe gunhpai nga ai hpung magam gun langai re hpe mung chye lu ai.

Ya aten Salang wa a moimang hpe Sanghka, Maden Yang, Mawbung, Mawshan kaw na mare uphkang salang ni, shinggyim nauna wuhpung wuhpawng ni hte wan sat dap ni kaw nna jawm sai la lu ai re lam chye lu ai.

Photo Credit; Fb