Uru Sengmaw Ginwang Sasana Mawdaw hkamla lu ai chyeju shakawn lamang galaw

Uru Sengmaw Ginwang La Magam Dap kaw nna woi awn let Ginwang kata sasana magam bungli hta jai lang wa lu na matu buga hpung masha ni kaw nna jaw bang ai alu gumhpraw hte mari la lu ai sasana Mawdaw chyeju shakawn lamang hpe October shata 9 ya jahpawt hkying 10:00am aten hta Uru Sengmaw Ginwang Rung kaw galaw ai lam na chye lu ai.

Ndai sasana Mawdaw gaw Uru Sengmaw Ginwang kata na sasana bungli kaji kaba yawng hta jai lang sa wa lu na matu yaw shada ai lam, Uru Sengmaw La Magam Dap Hpu-awn Rev. Sabaw Tu Hkawng tsun dan ai.

“Sasana Mawdaw mari na matu hpung kanu kawa ni hpe sa du garum hpyi ai lam ni nga ai, hpung masha ni jaw bang ya ai ladat hte galaw nhtawm, mari la ai hku re. Uru ga kaw gaw hkawmsa hkawm wa hkrun lam yak hkak ai majaw, buga shangu de na hpung masha ni hte La Magam Dap a sasana bungli kaji kaba yawng kaw jai lang akyu jashawn sa wa na matu re” nga nna tsun dan ai.

Mawdaw hpan gaw Landcruiser 24 Valve Licence rai nna, manu sen 300 jan hkrat ang ai re lam, ya na zawn sasana magam bungli hta jai lang sa wa lu na matu sasana Mawdaw hpe hkamla la lu ai majaw, alu madu ni hte ginwang kata na buga hpung masha yawng hpe chyeju dum ai lam, Uru Sengmaw Ginwang La Magam Dap kaw nna chye lu ai.

Photo Credit, G Kyang Bawm