“Wa” Mung Panghkam kaw, FPNCC wuhpung ( 7 ) a zuphpawng galaw ngut
“Wa” Mung Ginjaw Panghkam Muklum kaw shawng ningnan lang ngu na, ျပည္ေထာင္စု ႏုိင္ငံေရး ေဆြးေႏြးညွိႏႈိင္းေရးေကာ္မတီ FPNCC ni a hkrumzup bawngban hpawng hpe, August 18 ya shani kaw nna, August 24 ya shani hta galaw ngut sai lam chye lu ai.
Dai zuphpawng hta FPNCC a ningbaw lata san ai lam galaw ai, ningbaw langai hpe UWSP a ningbaw Salang Pau Yu Chang, ningbaw lahkawng hpe gaw, KIO Tingnyang Up Malai Du Kaba Nban La Awng yan re lam chye lu ai.
Dingdung pawnghpawm rawt malan wuhpung ni rai nga ai, UWSP, KIO, SSPP, PSLF, ULA, MNTJP, PSC na ningbaw ningla ni dulawm ai rai nna, ra mara lam hpe bawngban ngut nhtawm, zuphpawng a ndau shabra laika shapraw dat ai lam mung chye lu ai.
