Waimaw Chyum Jawng hpe Covid-19 ana zinli a majaw Myen Mung Asuya a ndau shana shabra ai hta hkan nna jawng hpaw na
Waimaw Chyum Jawng hpe Covid-19 ana zinli a majaw Myen Mung Asuya kawn ndau shana shabra ai hta hkan nna jawng hpe hpaw sa wa na lam chye lu ai.
“Covid-19 ana zinli a majaw jawng hpe nlu hpaw ai raitim, Mungdan Asuya a ndau shana shabra ai hta hkan nna jawng hpaw nhtoi ni hpe lawan ladan dawdan masat la nna hpung masha ni, jawngma ni hpe shana shabra ya na re” nga nna Waimaw Chyum Jawng Up Sara Kaba Rev. Htawshe Dau Hkawng tsun ai.
Sharin sara/num ni a jawng zuphpawng hta Waimaw Chyum jawng hpe July shata hkan lu hpaw hkra ngu ntsa lam bawngban da ai lam nga ai rai nna, jawng hpaw nhtoi hpe hkrak tup nlu masat shi ai, lu hpaw hkra myit mada nga ai re lam, Waimaw Chyum Jawng Up tsun ai kaw na chye lu ai.
Myen Mung Asuya kawn jawng hpaw na ahkang jaw wa ai ten hta, jawng garai nhpaw shi yang tau nau laban bat 2 bat 3 shana shabra ai lam galaw nhtawm, jawng mying bang na aten hte gara hku galaw sa wa ngu ai hpe jawm bawngban da ai lam ni nga ai re lam chye lu ai.
Waimaw Chyum Jawng hta C.Th, L.Th, B.Min hte B.Th Program 4 hte sharin achyin ya nga ai rai nna, jawng lung jarik hpe laning mi hta Myen gumhpraw kyats 825,000 (Sen Matsat Mun Lahkawng Hkying Manga) rai nna, B.Th Program hta gaw laning mi jawng lung jarik kyats 840,000 (Sen Matsat Mun Mali) masat da ai re hpe mung chye lu ai.
