Waimaw ginra hta gasat gala majan matut byin
Waimaw ginra, Hkat Cho mare makau hta KIA hte gumshem Myen hpyen dap ni gasat gala majan matut byin ai lam chye lu ai.
June shata 27 ya jahpawt hkying 8:00am aten daram hta Hkat Cho mare makau, Chyang Hkang Pa maga de hpyen shamu shamawt pru wa ai, gumshem Myen hpyen dap hte KIA pawng hpawm hpyen hpung ni ang katut gasat gala majan byin ai lam, lit nga ai salang ni kaw na chye lu ai.
Hkying hkum lahkawng daram gasat gala majan laja lana byin ai hta ya aten hpyen masa gara hku naw rai nga ai hpe matut sagawn nga ding yang re.
Waimaw ginra hta KIA hte gumshem Myen hpyen dap lapran, hpyen masa shaja hkat nga ding yang rai nna, gumshem Myen hpyen dap ni hpyen n-gun jat ai lam, hpyen shamu shamawt ai lam ni galaw nga ai majaw, jahkring hkring gasat gala majan byin nga ai re hpe chye lu ai.
