Wang Bum kaw gasat gala majan byin

KIA Masat (2) Dap Ba, Masat (11) Dap Dung ginra, Wang Bum kaw KIA hte gumshem Myen hpyen dap ni gasat gala majan byin ai lam chye lu ai.

January shata 18 ya jahpawt hkying 5:00am aten daram hta Ake kaw dap jung shara jahkrat nga ai gumshem Myen hpyen dap ni KIA ni shara la nga ai, Wang Bum maga de hpyen htu shadut lung wa ai majaw gasat gala majan byin wa ai lam, lit nga ai salang ni tsun ai.

Gumshem Myen hpyen dap ni January shata 17 ya shani kawn, hpyen shamu shamawt htu shadut lung wa ai rai nna, gasat gala majan byin ai hta gumshem Myen hpyen dap maga, laknak kaba mare hkan hkrup mara gap shadam bun ai lam chye lu ai. 

Matut nna Manmaw ginra hta KIA hte gumshem Myen hpyen dap ni gasat gala majan matut manoi byin nga ai rai nna, Waimaw ginra hta mung, gumshem Myen hpyen dap ni hpyen shamu shamawt nga ai lam chye lu ai.