Wunpawng Amyu Sha Hpyen Yen Lawt Lam Akyu Hpyi Hpawng lamang galaw

Wunpawng Amyu Sha Hpyen Yen Lawt Lam Akyu Hpyi Hpawng lamang hpe June praw, 9 ya jahpawt hkying 8:00am aten kawn hkying 12:00noon aten laman Myitkyina Muklum, Shatapru Manau Wang kaw galaw ai lam chye lu ai.

Lamang hta Daw ( 1 ) hku nna Hpyen yen lawt lam Yu-ngwi lamang hpe Wunpawng Shingni ni woi ai hte mahkawn ai lam galaw ai. Daw ( 2 ) hku nna Nawku lamang hta Tingnyang up Rev.Maji Bawk La ( MCC amu madu ), Mungga Fr.Dr.Peter Hka Awng Tu ( MCC ningbaw ) hte Shaman ya na Rev.Dr.Hkalam Samson ( KBC ningbaw ) ni woi awn nna lamang galaw ai hte Daw ( 3 ) hku nna Hpyen Yen Law Lam Gamung hta Shd. Sut Bawn Ring, Srn. Marry Tawm, Srn. Sumlut Lu San hte Sr. Hpawdaw Naw Htoi ni rai nga ai.

Daw ( 4 ) ngu na masha n-gun ( 100 ) jan shang lawm ai Ramma ni woi nna Karai Kasang hpang de hpyi nem tsun dan ai Gamung Naura Lamang hpe hkum pat kau ya ai lam mung chye lu ai.

Ya na zawn galaw ai lam gaw lai wa sai 2011 ning kaw nna majan bai byin hpang wa ai dai ning rai yang ( 7 ) ladu hkrum sai hpe myit dum kyu hpyi hpawng lamang galaw ai re.

Lamang hta Myitkyina Muklum kaw na Mungshawa ni hte Hpyen Yen Mungshawa ni yawng marai ( 5000 ) jan sa du shang lawm ai lam chye lu ai.