Wunpawng amyu sha ka-ni nanghpam ninghkap masat ninghtoi hpawng galaw

KIO Ginjaw Laiza Muklum, Sinpraw Majoi Manau Wang Gawknu kaw Wunpawng amyu sha ka-ni nanghpam ninghkap masat ninghtoi hpawng hpe, April 25 ya jahpawt hkying 7:00am

aten hta galaw ai lam chye lu ai.

Laiza Muklum kata nga ai mungshawa ni hte magam dap, makan dap na magam gun ni kawn zuphpawng shara de sa ai lam lapran e, pyen dau sharawt hpai nna, “Amyu sha ni a hpyen madung ka-ni nanghpam hpe Karai Kasang a chyalai n-gun hte gasat kau na, Ka-ni nanghpam hpyen hpe mungshawa ninggun hpungtun kaba hte gasat kau na, Ka-ni nanghpam tsin yam hpe yengseng kau lu ai shani du hkra matut manoi gasat sa wa na” nga ai shawa nsen marawn ai lam hpe galaw ai.

Zuphpawng mungga hpe Du kaba Nhpang Naw Bu ( Shiga Magam Dap Lithkam ) kaw nna, D-Day hte seng ai lam, daini anhte a ginra kaw ka-ni nanghpam hpa majaw nhkoi hkraw ai, kade a majaw ka-ni nanghpam ni naw nga nga ai lam, 2014 ning kaw na 2016 ning laman Wunpawng amyu sha ka-ni nanghpam pat jasan ni a masing hku nna, galaw awng dang la lu sai mahtai sumtang kadun ni hpe, daw masum hku tsun sanglang dan mat wa ai.

Ka-ni nanghpam hte seng ai sumla ni hpe mung madun da ai rai nna, hpawng hta du sa ai masha yawng marai 848 re lam chye lu ai.

Ndai masat ninghtoi hpe Myitkyina Shatapru manau wang hte laga shara ni hta mung galaw ai lam na chye lu ai.