Wunpawng Amyu Sha Zinlum Hpung Amyu Shayi prat gaw sharawt rung dum nta hpe gumshem Myen hpyen ni sa hpya jahten kau
Hpakant Ginwang, Mawsiza lawk kaw hpaw tawn da ai, Wunpawng Amyu Sha Zinlum Hpung Amyu Shayi prat gaw sharawt rung dum nta hpe, March shata 18 ya jahpawt hkying 2:00am aten daram hta gumshem Myen hpyen dap ni sa hpya run jahten kau ya ai lam chye lu ai.
Rung dum nta hpe run jahten kau ya ai sha n-ga, computer 9 hpe mung jahten kau ya ai, arung arai nkau hpe la kau ai hte dai rung kaw sin ai Salang Magawng Seng Awng hpe mung rim woi mat wa ai lam, buga masha ni kaw na chye lu ai.
Ndai shara gaw, Wunpawng Amyu Sha Zinlum Hpung Amyu Shayi ni woi awn let, kanbau magam bungli ni rai nga ai, lung seng ret, lung seng shatsawm, computer hpaji ni hpe manu jahpu nla ai sha sharin ya nga ai shara re lam chye lu ai.
March shata 16 ya shani hta gaw, Computer Learning Center hpaw poi lamang hpe galaw la ngut ai hpang, March shata 18 ya shani gumshem Myen hpyen dap ni sa hpya jahten kau ya ai rai nna, hpa majaw ya na zawn sa jahten kau ya ai mabyin lawng lam hpe matut sagawn nga ai lam chye lu ai.
