Wunpawng Amyu Sha Zinlum Hpung ni Shiga sanglang hpawng galaw
Hpyen yen mungshawa ni hpe garum ningtum jaw na hkum pat hkrum ai hte seng nna, Wunpawng Amyu Sha Zinlum Hpung ni, August 23 ya shani hkying 10:00am aten hta Myitkyina Muklum, Wunpawng Mungbawng Rapdaw ( WMR ) rung kaw shiga sanglang hpawng galaw ai lam chye lu ai.
Shiga sanglang hpawng galaw ai lam gaw, August 17 ya shani kaw na 20 ya shani du hkra Ka Mai balik rung kaw hkum pat hkrum ai mabyin manghkang hte seng nna, Myen hpyen dap, Dap Awn Daju kawn ndau shapraw ai laika hte anhte kaw byin ai gaw ka ga ga byin taw ai majaw, dai hpe sanglang ai lam re, nga nna Myitkyina Wunpawng Amyu Sha Zinlum Hpung a ningbaw Salang Zau Jat tsun ai.
Dai shiga sanglang hpawng hta, Eleven, 7 Day, KNG, Kachin Waves, Kachin Time, hte laga shiga dap hkan na ni mung sa du ai lam, salang wa matut tsun dan ai kawn chye lu ai.
