Wunpawng Ramma ni shawa n-gun madun lamang matut galaw
Majan a majaw pat shing dang da hkrum nga ai hpyen yen Mungshawa ni hpe lawan dat ya na matu shawa n-gun madun lamang hpe Myitkyina Manau Wang kata kaw May praw, 3 ya jahpawt daw hkying 4:00am aten kawn Wunpawng Ramma ni shawa n-gun madun dabang hpaw nna Jinghpaw Mungdaw Asuya Rung shawng kaw shawa n-gun marai ( 800 ) jan shang lawm n-gun madun ai hte buga shagu na Ramma ni n-gun jat wa du shang lawm ai lam chye lu ai.
Shana daw hkying 5:30pm aten hta Jinghpaw Mungdaw Hkringmang Daju Dr. Hkyet Awng hte hkrum zup shaga ai hta Ramma ni ra sharawng ai အာမခံခ်က္ nre ai sha Ndau laika rai taw ai lam ramma langai tsun ai kawn chye lu ai.
Jinghpaw Mungdaw Hkringmang Daju hte bawng ban jahkrup ai lam shana daw maga hta ngut sai rai tim ေၾကညာခ်က္ hpe la ra ai majaw jahpawt nhtoi htoi hkra Ramma ni lam makau ပလက္ေဖာင္း ntsa kaw yup na la ra mat ai.
May praw, 4 ya shani hta gaw Jinghpaw Mungdaw Hkyingmang Daju Dr.Hkyet Awng woi awn nna PCG ni hte Ramma nkau mi grau jam jau ai ngu na lu ai Man Wing Lai Nawng Hku mare kaw chyat rawng nga ai hpyen yen Mungshawa marai ( 160 ) daram hpe sa woi la na re lam Ramma langai tsun ai kawn chye lu ai.
