Yangon photo Festival masat ( 1 ) kumhpa hpe Wunpawng Ramma marai ( 2 ) hkamla lu
French Maigan kyithkai hte Htunghking magam dap kawn woi awn galaw ai 9 lang na Yangon photo Festivel ( YPF ) kumhpa shagrau lamang hpe Yangon mare kaba Mahar Bandula
nampan sun kaw March 11 ya shana hta galaw ai lam na chye lu ai.
Dai shagrau poi hta Myen mung a hpaji jaw salang Aung San Suu Kyi, Yangon Tai Dayta Gyi na Wungyi ni Myen mung hte seng ai French mung a salang ( သံအမတ္ျကီး ) Mr. Olivier Richard, French mung Htunghking salang Mr. Charles Bonhomme hte maigan kyithkai rung na hkringmang salang ni sa du n-gun jaw ai lam chye lu ai.
Yangon photo Festival hpe March praw, 4 ya kawn hpang ai rai nhtawm, Myen mung a photographer ni shanglawm ai hte shingjawng lamang hta photo story 80 kaw na lata ai rai nna, beginner photographer hte professional ngu garan shingjawng ai hta beginner first prize hpe “The Trap” ngu ai gabaw hte Myikyina news journal kaw na Chife Editor Maran Seng Mai, Professional first prize hpe “ The Forgotten War” ngu ai gabaw hte AP shiga dap kaw na Dumhpau Hkun Lat yan lu mat ai re lam na chye lu ai.
Dai shingjawng lamang hta Wunpawng Ramma yan Ka-ni nanghpam pat jasan story hte shanglawm shingjawng ai re hpe chye lu ai.
