Ye Le mare kaw nbungli bawm a majaw mungshawa hkala hkrum
Manmaw ginra Ye Le mare kaw gumshem Myen hpyen dap ni nbungli bawm wa jahkrat bun ai majaw, mungshawa hkala hkrum ai lam chye lu ai.
February shata 21 ya shani ka-ang aten daram hta Manmaw ginra, Ye[E1] Le mare kaw gumshem Myen hpyen dap ni Y-12 nbungli hte bawm wa jahkrat bun ai majaw, mungshawa marai (3) hkala hkrum ai lam, ginra masha ni kaw na chye lu ai.
Nbungli bawm gaw Ye Le mare na Salang Chit Win hte Salang Ko Naing a dum nta kaw wa hkrat kapaw ai majaw, Salang Maung Chin asak (44) ning, Daw Hkaing asak (40) ning hte Daw Hkin asak (70) ning re mungshawa ni hkala hkrum ai re lam chye lu ai.
Hkala hkrum ai mungshawa ni gaw ya aten ni nawn ai shara ni hta tsi tsi hkamla nga ai rai nna, Ye Le mare kaw gasat gala majan byin ai lam nnga ai sha gumshem Myen hpyen dap ni nbungli bawm wa jahkrat bun ai re lam chye lu ai.
Manmaw ginra gasat gala majan laja lana matut byin nga ai hta gumshem Myen hpyen dap ni gaw, gasat gala majan nbyin ai shara ni hkan, nbungli hte drone ni hpe sung lang let, mungshawa ni nga ai shara de hkrum mara gap gasat ai lam ni ding yang ngu na galaw nga ai re.
