Ying La Bum kaw dap jung nga ai gumshem Myen hpyen dap hpe KIA pawng hpawm hpung ni sa htim gasat zing la
Mungmyit Sinli Ga (Kachin Sub-state), KIA Masat (6) Dap Ba, Masat (36) Dap Dung ginra, Ying La Bum kaw dap jung nga ai gumshem Myen hpyen dap hpe October shata 19 ya jahpawt hkying 6:00am aten kaw nna, KIA pawng hpawm hpyen hpung ni sa htim gasat ai lam chye lu ai.
Gumshem Myen hpyen dap Hk.M.Y (567) dap hpe sa htim gasat ai hta dai na de hkying 2:00pm aten daram kaw gasat zing la lu ai sha n-ga, machyu pala ni hpe mung padang dip zing la lu sai lam, shawng lam na lit nga ai salang ni tsun ai kaw na chye lu ai.
Gasat gala majan byin nga ai ten, hkying 10:50am aten daram hta gumshem Myen hpyen ni Helicopter hte wa gap bun ai lam nga ai. Dai hpang shana daw hkying 1:50pm aten kaw nna, hkying 3:55pm aten daram hta mung, Jet Fighter hte numdaw masum lang wa gap gasat ai lam chye lu ai.
Matut nna Munggu kaw dap jung nga ai gumshem Myen hpyen dap ni mung, gasat gala majan byin ai shara de laknak kaba (40) jan lang gap bun ai sha n-ga, Loi Jung Bum kaw nna mung, gasat gala majan byin ai maga de laknak kaba gap bun ai lam chye lu ai.
