Zaibru hkumpup lim mat ai majaw mungshawa ni sun hkauna galaw sha na yakhkak nga
Putao ginra kata na mungshawa ni a sun hkauna ni hta zaibru hkumpup ni lim mat ai a majaw, sun hkauna galaw sha na matu yakhkak nga ai lam chye lu ai.
Laiwa sai May shata kaw nna, Mung Lang hka kaba wa ai majaw, Hkin Daw hte Ningdung Bum ninghtawn kata nga ai mungshawa ni a sun hkauna ni hta zaibru hkumpup hkrai hpring mat ai majaw, sun hkauna galaw sha na matu yakhkak nga ai lam, ginra masha ni kaw na chye lu ai.
Ginra masha ni galaw sha nga ai, Lang Dau hkauna pa hta Mung Lang hka kaba wa ai hpang, hka yawm mat ai lam ni nga ai raitim zaibru hkumpup ni hkrai hpring mat ai majaw, Eka (50) jan sun hkauna galaw sha na matu yakhkak nga ai lam chye lu ai.
Dai ginra na mungshawa ni gaw yi sun hkauna hpe madung dat galaw sha nga ai rai nna, ya na zawn zaibru hkumpup ni hkrai hpring mat ai majaw, sun hkauna galaw na matu yakhkak nga ai sha n-ga, nkau mungshawa ni gaw bum yi galaw sha ai raitim, yu chyinghkyen matep zawn re hkrung kanu ni sha jahten kau ai lam ni byin nga ai majaw, galaw lu galaw sha na matu yakhkak nga ai lam matut chye lu ai.
