သုတမြစ်ဝှမ်း learning center hpaw hpawng galaw
သုတမြစ်ဝှမ်း learning center hpaw hpawng lamang hpe August shata praw 1 ya shani, Laiza Muklum lawk (1) kaw galaw la lu sai lam chye lu ai.
Learning Center hpe hpaw ai lam gaw, rung magam gun ni hte jawng lung na matu aten nlu jaw ai ni hpe shanhte a magam bungli hta madi shadaw ya lu na matu yaw shada let hpaw ai lam re nga nna, Learning Center Lit Hkam Dr. Aung Ko Ko Lin tsun ai.
Ndai Center hta Japan, English ginhpan hte Computer gram hpaji, shi sumla gayet hpaji, myihprap wan hte seng ai hpaji, jahpan chyarang hte seng ai hpaji, ga gale ai hpaji hte kaga hpaji ni hpe mung sa hkaja la mai ai re lam chye lu ai.
Learning Center hpaw poi lamang hte rau သုတမြစ်ဝှမ်း ဂျာနယ် အတွဲ (၁)၊ အမှတ် (၁၀) dip shapraw ai hte Blood Journey Photo Exhibition sumla madun lamang ni hpe galaw ai rai nna, saw shaga da ai myitsu kanu kawa ramma ni sa du shanglawm ai hte galaw la lu sai re lam chye lu ai.
